RENUNGAN BBR77
{ 1 }
MANUSA ZAMAN KIWARI
LOBA NGOMONG BATAN EUSI
NU DI TEANG LOWONGAN KORSI
GEUS DIUK POHO KANA VISI MISI
{ 2 }
CAN JADI JANJI NYA’AH KA RAHAYAT
GEUS JADI HAQ RAKYAT DI SIKAT
TEU MALIRE RAKYAT MALARAT
KEUN WAE SINA SAKARAT
{ 3 }
PAJAR NYA’AH KA RAHAYAT
BUKTINA WUNGKUL HIANAT
SOK BUKTIKEUN ULAH TEULAT
SING BEUNEUR NYEUKEUL AMANAT
{ 4 }
WAJAR WAE RAKYAT NGADAT
BONGAN WAE HAQNA DI SIKAT
SOK JALANKEUN AMANAT RAKYAT
NGARAH SALAMET DUNNYA AKHERAT
{ 5 }
KEUR NAON JADI PAJABAT
LAMUN SEUG JARADI BANGSAT
TUH TINGALI RAHAYAT MALARAT
KA KOTA GE EUWEUH TEUMPAT
{ 6 }
LAMUN BENER ANJEUN PAJABAT
SOK JALANKEUN ETA AMANAT
TONG KORUPSI TONG HIANAT
NGARAH MAOT TEU SAKARAT
{ 7 }
PAJABAT NU NINGGALKEUN SHOLAT
TANGTU KU ALLOOH DI LA’NAT
MIMPIN NAGARANA MOAL SEHAT
SABAB IBADAH LOBA DI LIWAT
{ 8 }
PAMIMPIN REUJEUNG RAHAYAT
KUDU BABAREUNGAN TA’AT
NGARAH NGONDANG KANA RAHMAT
SHUBUR MAKMUR DUGI QIAMAT
{ 9 }
PAMIMPIN TONG BABARI NGADAT
PEDAH KU RAKYAT DI UPAT
SOK PIKIR MEH JADI OBAT
DOSA DIRI BURUKEUN THOBAT
{ 10 }
LAMUN NGOMONG KURANG TEPAT
HAMPURA DA TEU MAKSUD DEBAT
IEU MAH WUNGKUL NASEHAT
MUGI SING NGAJADIKEUN RAHMAT.
_______/|\______
¨¨¨¨¨¨¨˜°♥°˜¨¨¨¨¨¨
SALAAM SILIWANGI
